11 сакавіка 2024 года Нацыянальны гістарычны архіў Беларусі наведалі студэнты гістарычнага факультэта Беларускага дзяржаўнага ўніверсітэта і іх выкладчык – кандыдат гістарычных навук Алена Шымак.

Намеснік загадчыка аддзела навукова-даследчай і публікацыйнай дзейнасці Яўген Глінскі правёў прафарыентацыйную лекцыю, у ходзе якой распавёў навучэнцам пра гісторыю архіва, найбольш значныя дакументы, якія захоўваюцца ў НГА Беларусі, а таксама пра асноўныя накірункі дзейнасці архіва. Для наведвальнікаў была праведзена экскурсія па сховішчах НГА Беларусі.

Студэнты выказалі вялікую цікавасць да дакументаў НГА Беларусі, актыўна задавалі пытанні па выніках лекцыі.