Распараджэннем Прэзідэнта Рэспублікі Беларусь А.Р.Лукашэнкі ад 4 верасня 2018 г. № 176 рп за вялікі ўклад у забеспячэнне захаванасці дакументаў Нацыянальнага архіўнага фонда Рэспублікі Беларусь, развіццё архіўнай справы і гістарычнай навукі дзяржаўнай установе «Нацыянальны гістарычны архіў Беларусі» абвешчана падзяка Прэзідэнта Рэспублікі Беларусь.

Азнаёміцца з дакументамі можна па спасылках:

Нацыянальны гістарычны архіў Беларусі: гісторыя і сучаснасць (да 80-годдзя з дня заснавання). Частка 1.

Нацыянальны гістарычны архіў Беларусі: гісторыя і сучаснасць (да 80-годдзя з дня заснавання). Частка 2.

29 чэрвеня 2018 г. адбыўся сход, прысвечаны святкаванню 80-гадовага юбілею Нацыянальнага гістарычнага архіва Беларусі. Урачыстае мерапрыемства было праведзена ў будынку Мінскай гарадской ратушы (г. Мінск, пл. Свабоды, 2) з удзелам шырокага кола запрошаных гасцей.

28 чэрвеня 2018 г. адбылося адкрыццё навукова-практычнай канферэнцыі «Беларускія архівы на мяжы тысячагоддзяў: здабыткі і страты», прысвечанай 80-годдзю заснавання Нацыянальнага гістарычнага архіва Беларусі. Яна праводзілася сумесна з даўнім навуковым партнёрам архіва Інстытутам гісторыі Нацыянальнай акадэміі навук Беларусі.

28 чэрвеня 2018 г. Нацыянальны гістарычны архіў Беларусі сумесна з Інстытутам гісторыі Нацыянальнай Акадэміі навук Беларусі праводзяць навукова-практычную канферэнцыю «Беларускія архівы на мяжы тысячагоддзяў: здабыткі і страты», прымеркаваную да 80-гадовага юбілею Нацыянальнага гістарычнага архіва Беларусі.

Канферэнцыя будзе праходзіць у будынку Інстытута гісторыі НАН Беларусі (вул. Акадэмічная, 1, 4 паверх, канферэнц-зала).
Пачатак рэгістрацыі ўдзельнікаў у 9.00, пачатак працы канферэнцыі ў 10.00.

30 мая 2018 г. Нацыянальны гістарычны архіў Беларусі наведаў дырэктар Каўнаскага рэгіянальнага архіва (г. Каўнас, Літоўская Рэспубліка) Гінтарас Дручкус.

У ходзе сустрэчы з кіраўніцтвам архіва быў абмеркаваны ход падрыхтоўкі плануемай сумеснай выставы, прысвечанай падзеям Першай сусветнай вайны і 100-годдзю стварэння нацыянальных дзяржаў на беларускіх і літоўскіх землях.

21 мая 2018 г. Нацыянальны гістарычны архіў Беларусі наведаў загадчык кафедры бібліятэчнай справы і архівазнаўства факультэта СМІ і інфарматыкі Універсітэта Мальты прафесар Уільям Замміт, які знаходзіцца ў Рэспубліцы Беларусь на стажыроўцы па праграме Нацыянальнага савета па архівах Мальты.