5 і 6 мая 2026 г. у Мінскім дзяржаўным каледжы лічбавых тэхналогій прайшлі памятныя мерапрыемствы, прысвечаныя 85-й гадавіне пачатку Вялікай Айчыннай вайны і гераічнай абароны Брэсцкай крэпасці. Намеснік дырэктара Нацыянальнага гістарычнага архіва Беларусі Сяргей Рындзін правёў для навучэнцаў серыю кіналектарыяў «Крэпасць-герой».
Увазе моладзі быў прадстаўлены дакументальны фільм, заснаваны на ўнікальных матэрыялах з фондаў Беларускага дзяржаўнага архіва кінафотафонадакументаў. Кінахроніка дазволіла убачыць рэдкія кадры і сведчанні першых, самых цяжкіх дзён вайны, якія адлюстроўваюць бяспрыкладную мужнасць і стойкасць савецкіх салдат.
У рамках сустрэч Сяргей Рындзін падкрэсліў асаблівую значнасць захавання праўды аб падзеях лета 1941 года. Абмеркаванне з моладдзю закранула тэмы гістарычнай пераемнасці, патрыятызму і важнасці архіўнага дакумента як галоўнага інструмента ў барацьбе з скажэннем гісторыі. Жывы водгук у аўдыторыі выклікалі факты аб лёсах абаронцаў цытадэлі, чые імёны сталі сімвалам нязломнага духу беларускага народа.
Падобныя мерапрыемствы ў каледжы сталі важнай часткай сістэмы грамадзянска-патрыятычнага выхавання, дазваляючы навучэнцам праз дакументальную спадчыну ўсвядоміць маштаб подзвігу герояў-вызваліцеляў і каштоўнасць мірнага неба.

Правядзенне кіналекторыя ў навучальным корпусе па вул. Казінца, 91

Правядзенне кіналекторыя ў навучальным корпусе па вул. Кнорына, 14