10–11 апреля 2019 г. в г. Москве (Российская Федерация) прошла международная архивная конференция «Гуманитарные проблемы периода между двумя мировыми войнами: документальное наследие», организованная Международным Комитетом Красного Креста (МККК) в сотрудничестве с Федеральным архивным агентством (Росархив) и архивными учреждениями Российской Федерации (Государственный архив РФ, Российский государственный военно-исторический архив, региональные архивные учреждения Санкт-Петербурга, Самары и других регионов).

11 красавіка 2019 г. у Нацыянальным гістарычным архіве Беларусі адбылася сустрэча прадстаўнікоў архіўнай службы Рэспублікі Беларусь на чале з першым намеснікам дырэктара Дэпартамента па архівах і справаводству Міністэрства юстыцыі Рэспублікі Беларусь В.А.Ледаўской з дэлегацыяй Агенцтва Злучаных Штатаў Амерыкі па міжнародным развіцці на чале з намеснікам адміністратара Агенцтва, Кіраўніком Бюро па справах Еўропы і Еўразіі сп. Б.Бірманам з удзелам паверанага ў справах ЗША ў Рэспубліцы Беларусь сп. Дж.Мур.

У раздзеле «Публікацыі» для вольнага спампоўвання размешчаны электронныя версіі першых 10-ці выпускаў зборніка навуковых паведамленняў і артыкулаў «Архіварыус», які штогод рыхтуецца Нацыянальным гістарычным архівам Беларусі. Многія з іх ужо паспелі зрабіцца бібліяграфічнай рэдкасцю.

27 сакавіка 2019 г. у Нацыянальнай бібліятэцы Беларусі адбыўся навукова практычны семінар «Крыніцы па генеалогіі ў беларускіх архівах і бібліятэках», суарганізатарам якога выступіў Нацыянальны гістарычны архіў Беларусі.

15 сакавіка 2019 г. Нацыянальны гістарычны архіў Беларусі наведала дэлегацыя супрацоўнікаў органаў дзяржаўнай улады Люблінскага ваяводства Рэспублікі Польшча ў складзе дарадцы ваяводы Барташа Рыбака і дэпутата сойміка Рышарда Шчыгела, а таксама другога сакратара па пытаннях публічнай і культурнай дыпламатыі Пасольства Рэспублікі Польшча ў Рэспубліцы Беларусь Эльжбеты Інеўскай.

Нацыянальным гістарычным архівам Беларусі выпушчаны шаснаццаты выпуск штогадовага зборніка «Архіварыус». На яго старонках пабачыла свет 20 артыкулаў, прысвечаных разнастайным пытанням гісторыі, архівазнаўства, крыніцазнаўства і генеалогіі, апублікаваны тэксты некаторых гістарычных дакументаў з айчынных і замежных архіўных сховішчаў, а таксама рэцэнзіі на навуковыя выданні. Зборнік прызначаны для гісторыкаў, генеалогаў, краязнаўцаў, спецыялістаў архіўнай галіны і ўсіх аматараў айчыннай гісторыі.

17 студзеня 2019 г. у Нацыянальным гістарычным архіве Беларусі адбылася азнаямляльная экскурсія для навучэнцаў 7 і 8 класаў – пераможцаў і прызёраў раённых і абласных алімпіяд па гісторыі, конкурсаў сямейных летапісаў, даследчых праектаў па генеалогіі.